Som mange av dykk veit, arbeider vi i styret med ny publiseringsløysing for nettsidene til klubben. Det blei gjort avtale med eit firma tidleg på sommaren. Dette er same firma som hostar nettsidene til klubben idag.
Visuelt og innhaldsmessig blir det ikkje noen store endringar. Den store fordelen med den nye løysinga er at vi unngår å ha klubbrelaterte dokument spreidde på fleire private PC-ar (styremedlemmar og publiseringsansvarleg for nettsidene), at nettsidene kan oppdaterast via web, og at vi får god backup-løysing av sidene. På dei nye nettsidene skal det vere eige passordbeskytta område der alle i styret får tilgang til alle styredokument.
Da vi skulle begynne å legge inn informasjon i den nye løysinga, oppdaga vi raskt at løysinga ikkje svarte til forventningane våre og lovnadane til leverandøren når det gjaldt det omtalte, passordbeskytta område og den tekniske løysinga for publisering av bilde. Ellers er løysinga i samsvar med avtale. Grunna ferieavvikling og treg respons frå leverandør er løysinga på desse forholda framleis ikkje på plass.
Vi i styret er opptatt av å få publisert dei nye nettsidene så raskt som muleg, men vi er som sagt avhengige av at leverandøren forbetrar løysinga.
for styret
Kari SH
